Na manzil hai na rasta
fir bhi chale jaa rahi hoon
dekhti hoon unko to dil kehta hai
yah kaisa pyar hai
jo main kiye jaa rahi hoon.
raasta bhi kathin hai
manzil bhi meri nahin hai
chahti hoon unko to dil kehta hai
yeh kaun hai jise main
jeevan ka ikhteyaar diye jaa rahi hoon.
aakhon main doob jaati hoon unki
baaton main kho jaati hoon
bhoolti hoon khud ko to dil kehta hai
yeh kyon main
bhanwar ki aur bade jaa rahi hoon.
khud par kaboo nahin hai
soch se bhi dar lagta hai
poochta hai jab bhi dil main kehti hoon
yeh dagar hai prem ki
main bas jiye jaa rahi hoon…
via Hindi Shayari http://ift.tt/1HcB10C
No comments:
Post a Comment